Qeveria ndan 951 milionë denarë për projektet rrugore në 10 komuna

Read Time:1 Minute, 19 Second

Qeveria ka njoftuar se ka miratuar vendimin për ndarjen e 951 milionë denarëve nga buxheti i vitit 2023 për realizimin e 10 projekteve rrugore në 10 komuna të ndryshme të Republikës së Maqedonisë së Veriut.

Këto projekte përfshijnë ndërtimin dhe rikonstruksionin e bulevardeve, urave, rrugëve lokale dhe sekondare, si dhe garazheve dhe lokaleve afariste.

Mjetet janë përcaktuar në bazë të amendamenteve të propozuara nga deputetët në Komisionin për Financim dhe Buxhet dhe të miratuara me vendim të Qeverisë.

Qeveria ka bërë të ditur se këto projekte do të kontribuojnë në përmirësimin e infrastrukturës rrugore, sigurisë së trafikut, zhvillimit ekonomik dhe social, si dhe në ruajtjen e mjedisit.

Në vijim janë disa nga projektet e përfshira në këtë vendim:

– Ndërtimi i bulevardit “Hasan Prishtina” (Vizbeg) në Qytetin e Shkupit – 360 milionë denarë
– Rekonstruimi i rrugës lokale nga fshati Bogovinë në fshatin Novo Sellë – 5 milionë denarë
– Rekonstruimi i rrugës lokale në fshatin Bojanë dhe një rrugë sekondare në Saraj – 21 milionë denarë
– Për projektin themelor të rekonstruimit të rrjetit të ri të projektuar rrugor për rrugën nga fshatin Bellovishtë deri në fshatin Forinë në komunën e Gostivarit – 24.180.000 denarë
– Rekonstruim i rrugës lokale nga fshati Çellopek në fshatin Rebetino, komuna e Kërçovës – 20 milionë denarë
– Rekonstruim i rrugës lokale Ibrahim Kolari në komunën e Dibrës – 6.500.000 denarë
– Projekti për bulevardin lokal në komunën e Zhelinës – 30 milionë denarë
– Realizimi i projektit për rrugën lokale në fshatin Llukovicë, komuna e Zhelinës – 20 milion denarë

Nga Qeveria kanë theksuar se do të mbikëqyrë zbatimin e projekteve dhe do të kërkojë raportime periodike nga komunat përkatëse