Xhaferi kërkon propozim për anëtar të KSHZ-së

Read Time:1 Minute, 34 Second

Kreu i Kuvendit Talat Xhaferi ka dërguar te disa parti politike listën e pesë kandidatëve emrat e të cilëve u aprovuan në konkursin për anëtar të Komisionit Shtetëror të Zgjedhjeve, shkruan Alsat.

Prej tyre duhet të zgjidhet njëri nga kandidatët. Lista është dërguar te liderët Izet Mexhiti, Afrim Gashi, Bilall Kasami por edhe te Skender Rexhepi dhe Arjanit Hoxha.

“… në pajtim me nenin 29 paragrafin 1 të Kodit zgjedhor në afat prej tri ditëve nga dita e pranimit të këtij njoftimi, më së voni deri më 18 dhjetor 2023 deri në ora 16,30, është e nevojshme me shkrim të më dorëzoni propozim për anëtar të Komisionit Shtetëror të Zgjedhjeve nga Lista e dorëzuar në shtojcë të Raportit”, tha Talat Xhaferi, kryetar i Kuvendit.

Lidhja Evropiane për Ndryshim ka bërë të ditur se kandidati i tyre nga lista e aprovuar është Abdush Demiri. Megjithatë për t’u votuar, nevojitet konsensus më i gjerë politik dhe 80 vota në seancë plenare. Partia e Arjanit Hoxhes dhe ajo Skender Rexhepit, deri tani nuk kanë bërë të ditur se mund të propozojnë kandidat të tyren nga lista e kandidatëve.

KSHZ-ja funksionon me një anëtar më pak që nga muaji shkurt. Me afrimin e zgjedhjeve të prillit dhe majit, plotësimi i pozitës boshe është gjithmonë e më i rëndësishëm, tha kreu i këtij institucioni Aleksandar Dashtevski në intervistë për Alsat.

“Gjatë përgatitjes së zgjedhjeve do të na ndihmonte shumë nëse merren vesh për atë anëtar, sepse sigurisht një njeri më shumë me autorizime të larta, do të mund t’i ndajë me ne kompetencat dhe detyrimet. Shpresoj se kjo përfundimisht do të zgjidhet meqë debati vazhdon”, u shpreh Aleksandar Dashtevski, kryetar i KSHZ-së.

Pozita e një anëtari në KSHZ mbeti bosh në muajin shkurt, kur Aleanca për shqiptarët hyri në qeveri dhe Krenar Lloga, nga anëtar i këtij institucioni, u bë ministër. / Alsat.mk

NGA INTERNETI

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Previous post “Boki 13”: Me këtë gjendje shëndetësore nuk mund të qëndroj në burg
Next post Qeveria teknike, së shpejti takim liderësh Kovaçevski – Mickoski