LSDM dhe VMRO-DPMNE përplasen për euro-intregimet!
Read Time:1 Minute, 45 Second
LSDM përmes një kumtese shprehet që bllokada e opozitës në Kuvendin e Maqedonisë ka penguar hapjen e kapitujve të negociatave me Bashkimin Evropian.
“Edhe pse procesi i shqyrtimit përfundoi plotësisht me sukses, megjithëse nuk ka kushte të reja dhe mbështetja nga liderët evropianë për rrugën e Maqedonisë drejt Bashkimit është e fortë, kapitujt mbetën të mbyllur për shkak të politikës së bllokadës së VMRO-DPMNE-së dhe të Majtës” thonë nga LSDM e cila akuzon Hristijan Mickoski dhe VMRO-DPMNE për këtë bllokim, duke e cilësuar si pengesën kryesore për integrimin evropian të vendit.
“Me VMRO-DPMNE-në nuk ka BE, ka izolim, pasiguri dhe stagnim. Mickoski ka privilegjuar interesat personale mbi interesat e popullit maqedonas dhe qytetarëve. Ata përmendin se opozita kundër BE-së, e bashkuar nga VMRO-DPMNE dhe të Majtët, është faktori kryesor që pengon rrugën evropiane të vendit”, shprehen nga LSDM.
Sakaq, VMRO-DPMNE ka ngritur zërin kundër bllokimit të rrugës së Maqedonisë drejt Bashkimit Evropian, duke theksuar se arsyeja kryesore është niveli i lartë i korrupsionit dhe krimit në qeverinë vendore.
Në një deklaratë të fuqishme, VMRO-DPMNE shprehet se, për dallim nga vendet e tjera si Ukraina dhe Moldavia që po fillojnë negociatat me BE-në, Maqedonia mbetet në një pozitë të bllokuar. Grupimi politik akuzon qeverinë LSDM-BDI për politikën e dobët ndërkombëtare dhe përfshirjen e tyre me lidhje të forta ndërkombëtare, duke nxitur pyetjen se pse nuk arritën të marrin mbështetje në negociatat për anëtarësim.
“Goja e pushtetarëve, LSDM-së dhe BDI-së, është e mbushur me mënyrën se si krijuan lidhje dhe mbështetës të fortë ndërkombëtarë. Nëse po, pse nuk ranë dakord gjatë votimit, nëse Bullgaria është e vetmja pengesë për të dalë nga takimi dhe për të mos pasur veto për negociatat me Maqedoninë. Fakti që Maqedonia është e bllokuar është rezultat i politikës së dobët ndërkombëtare të qeverisë. Fakti që Maqedonia pranon diktat është për shkak të Kovaçevskit dhe Osmanit të paaftë. Arsyeja e vërtetë pse askush nuk u përfshi në Maqedoni si në Ukrainë dhe Moldavi është niveli i lartë i korrupsionit dhe krimit në qeveri” thonë nga VMRO-DPMNE.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating