Bekteshi: Rryma nuk do të shtrenjtohet

Ministri i Ekonomisë, Kreshnik Bekteshi deklaroi se nesër do të vendosen çmimet e reja të rrymës dhe nuk pret rritje sepse ato kompani punojnë me fitim, por pret që t’i racionalizojnë shpenzimet sepse Qeveria subvencionon një pjesë të madhe të energjisë elektrike.

“Ju jap fjalën time se rryma nuk do të shtrenjtohet”, tha ministri i Ekonomisë Kreshnik Bekteshi në “Studio 10” në Tv 24.

Ai snjoftoi se sigurohet sasi e mjaftueshme e gazit dhe se gazi rus nuk përdoret, por përdoret gazi nga Azerbajxhani qe vjen përmes Turqisë. Sfida në ekonomi ka gjithmonë, tha Bekteshi, por për ne vitin e ardhshëm sfida më e madhe do të jenë zgjedhjet sepse ka kufizime në përdorimin e mjeteve dhe resurseve gjatë zgjedhjeve.

“Punësimet e reja kanë të bëjnë me planet vjetore të institucioneve dhe shoqërive aksionare dhe nuk kanë të bëjnë me zgjedhjet. Gjithashtu, nga 1 janari, ministri i Financave nuk do të firmosë më për punësim në institucione. Këtë do ta bëjnë drejtorët e institucioneve dhe nëse nuk kanë fonde për punësim do të mbajnë përgjegjësi”, thotë Bekteshi dhe sqaron se nëse dikush ka humbje nuk do të mund të punësohet për shkak të interesave të caktuara.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %