Tragjedi në Shën Nikollë, një i vdekur dhe një me dëmtime në tru pasi ranë në gropën septike

Pastrimi i gropës septike ishte fatal për dy punëtorët e fermës së derrave në Amzabegovo të Shën Nikollës. Një punëtor ka ndërruar jetë, ndërsa tjetri ndodhet në gjendje të rëndë për jetën në Klinikën e Toksikologjisë në Shkup për shkak të dëmtimit të trurit.

Mediat lokale pretendojnë se ata kanë zbritur në gropë me gazra të rrezikshëm, por nuk ka detaje se cili ka qenë motivi, pra nëse ka pasur udhëzim nga një epror në fermë.

“Në vendin e ngjarjes ndërroi jetë O.T. i lindur më 1978 dhe personi i dytë, gjegjësisht punëtori S. J. lindur në vitin 1971, është transferuar në kompleksin klinik “Nënë Tereza” në Shkup”,tha zëdhënësja e SPB Shtip, Gordana Panajotova.

Janë njoftuar ekipet inspektuese nga Inspektorati i Punës dhe Sanitar, Njësia e Punëve të Brendshme (NjPB) Shën Nikollë dhe prokurori publik. Trupi i pajetë i punëtorit të ndjerë me urdhër të prokurorit publikështë dorëzuar për obduksion.

Punonjësi i dytë, nga ana tjetër, sipas konstatimeve fillestare mjekësore që u ndanë për TV Telma nga Klinika e Toksikologjisë, ka pësuar dëmtim të trurit, nuk njeh askënd, nuk mund të flasë dhe ka shfaqur lëvizje të paartikuluara. Dëmtimet e mundshme të trurit, siç thonë nga atje, do të dihen pas tomografisë kompjuterike të nesërme.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %