Edward Joseph: Lista e zezë e SHBA-së është mesazh që politikanët e mençur duhet ta kuptojnë

Read Time:1 Minute, 54 Second

Lista e zezë amerikane përfshin politikanë dhe është një mesazh që politikanët e mençur duhet ta kuptojnë, veçanërisht tani para zgjedhjeve, konsideron eksperti amerikan për politikë të jashtme dhe ligjërues në Shkollën e Studimeve të Avancuara në Universitetin Xhon Hopkins në Uashington, Edward Joseph.

Lista e zezë amerikane është shumë domethënëse dhe paraqet një mesazh dhe nuk duhet të përjashtojë askënd që është i përfshirë në korrupsion të lartë, thotë Joseph në një intervistë për CivilMedia. I pyetur nëse lista e zezë e cila së fundmi u plotësua edhe me një përfaqësues tjetër të komunitetit të biznesit, është e lidhur me strukturat politike, ngushton rrethin dhe në vazhdim do të jenë politikanët e dikurshëm apo aktualë, përgjigjet:

“Që dikush të jetë në atë listë të zezë, që nuk ka qenë vetëm politikan, por edhe ish zyrtar i lartë në Maqedoninë e Veriut, zëvendëskryeministër, do të thotë se ky nuk është vetëm një rreth biznesi. Këta janë ish zyrtarë shumë të rëndësishëm, nuk ka individ më të lartë se një ish zëvendëskryeministër dhe nuk duhet përjashtuar asnjë emër. Shikoni, ish kryeministri Nikolla Gruevski u fut në këtë listë vitin e kaluar nga SHBA për “korrupsion të madh”. Ky ishte termi që përdorte SHBA. Unë thjesht po citoj nga njoftimi zyrtar i SHBA-së. Pra, kjo përfshin politikanë dhe ky është një mesazh, me të vërtetë, mendoj se politikanët e zgjuar duhet ta kuptojnë tani para zgjedhjeve, thekson Joseph.

Në intervistë ai i referohet ndryshimeve të propozuara në Kodin Penal. Sipas tij, “gjëja më e mençur që duhet të bëjë qeveria, e kjo veçanërisht vlen për qeverinë e udhëhequr nga LSDM-ja, është tërheqja e ndryshimeve të Kodit Penal në Kuvend”.

“Kështu duhet të bëjnë. Kam shkruar për këtë në artikullin tim muajin e kaluar, në tetor, në Science Review. Dhe kjo ishte shumë e dëmshme, e përmendi edhe Komisioni Evropian në raportin që doli për progresin e Maqedonisë. Dhe gjëja më e mirë, lëvizja më e mirë politike për të tërhequr qytetarët do të ishte që qeveria në parlament të thotë se kemi bërë një gabim dhe ne do ta korrigjojmë atë gabim tani dhe do ta tërheqim këtë ligj dhe do të tërheqim ndryshimet në Kodin Penal dhe ne do ta kthejmë kodin ashtu siç ishte”, thotë Edward Joseph.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Previous post Shaqiri pret miratimin e shpejtë të ligjeve të reja për arsimin e mesëm dhe trajnimin profesional
Next post BDI – Dega Tetovë: Bilall Kasami i paaftë për ta menaxhuar Tetovën, mbeturinat kanë ngulfatur qytetin