
Emigrimi nga vendi, me 50 nxënës më pak nis procesi arsimor në shkollat e Shtipit
Vazhdon eksodi i të rinjve në lindje të Maqedonisë së Veriut. Gjysmëvjetori i dytë filloi me 50 nxënës më pak në shkollat fillore dhe të mesme të Shtipit. Arsyeja është se së bashku me prindërit edhe nxënësit shkojnë jashtë shtetit.
Sipas udhëheqëses së Departamentit të Arsimit në Komunën e Shtipit, Snezhana Saneva, ky numër është alarmant dhe dëshpërues.
“Kemi të dhëna për fëmijët që mungojnë, pra që fatkeqësisht nuk do të vijojnë më në mësime. Shifrat tregojnë se nuk është një numër i vogël i nxënësve të shkollave të mesme dhe fillore. Në shkollat e mesme kemi 26 nxënës të cilët kanë deklaruar se po largohen, kurse në shkollat fillore 24 nxënës. Pra, në nivel komunal janë 50 fëmijë që nuk do të vijojnë mësimin”, tha Snezhana Saneva.
Saneva shtoi se nuk ka shkollë që është në gjendje të mirë, gjegjësisht numri i nxënësve që janë larguar jashtë vendit në këtë gjysmëvjetor të dytë sillet nga shtatë deri në dhjetë nxënës në secilën shkollë në Shtip.
“Kemi mungesë të nxënësve në shkollën “Goce Dellçev”, por prindërit atje ende nuk kanë sqaruar pse fëmijët nuk vijojnë mësimin. Ky numër është 25 nxënës, por shpresojmë që në këtë gjysmëvjetor të vazhdojnë mësimin, të kthehen në tavolinat shkollore dhe ta përfundojnë vitin shkollor rregullisht”, tha Saneva.
Vitin e kaluar shkollor, 81 nxënës nuk e kanë nisur mësimin në gjysmëvjetorin e dytë, pasi prindërit e tyre kanë kërkuar vërtetime për emigrim jashtë vendit.
Të Tjera
Faton Ahmeti:Kjo nuk është as gabim, as neglizhencë – është vjedhje e pastër e pasurisë publike!
Sekretari i përgjithshëm i BDI-së, Faton Ahmeti me anë të një postimi në Facebook ka reaguar duke kritikuar kryetarin e...
Duke pritur Bashkimin Europian, Mickoski lidhet me një kamp tjetër
Diplomacia në Maqedoninë e Veriut ka marrë një drejtim të ri – nuk heq dorë nga BE-ja, por po afrohet...
Nëse keni dhimbje koke gjatë agjërimit, përdorni këtë truk në syfyr dhe iftar për të shmangur këto vështirësi
Muaji i Ramazanit është një kohë e veçantë për reflektim, vetë-përmirësim dhe afrim shpirtëror për të gjithë ata që agjërojnë....
Ulen çmimet e derivateve të naftës
Komisioni Rregullator për Energjetikë (KRRE) ka vendosur qw tw ulen çmimet me pakicë të derivateve të naftës mesatarisht për 2,08%....
Guri i drejtohet Kushtetueses: Po mos të ishte gjuha shqipe, Maqedonia e Veriut do të ishte pa historinë e saj
Sazan Guri nga Akademia Alternative Shkencore “Rrënjët tona” në Shqipëri, përmes një videoje ka njoftuar se një ditë para seancës...
Aziri: Gashi të heq dorë nga skenarët e OBRM-PDUKM-së dhe LSDM-së për të zhbllokuar Ligjin për “branitellat”
Deputeti i Frontit Evropian, Elmi Aziri, i ka bërë thirrje kryetarit të Kuvendit, Afrim Gashi, që të heq dorë, sipas...
Average Rating