Tregu i gjelbër i Tetovës bëhet me faltore për besimtarët myslimanë
Read Time:1 Minute, 12 Second
Tregu i gjelbër i Tetovës do të ketë objekt të veçantë ku besimtarët myslimanë që veprojnë në atë treg mund t’i kryejnë ritet e tyre fetare brenda hapsirave të tregut.
Disa të rinj e kanë blerë lokalin dhe pastaj vullnetarisht ia kanë dhuruar BFI-së për ta shfrytëzuar si faltoret për besimtarët.
I pranishëm në këtë akt ishte Myfitu i Tetovës, i emëruar nga kryemyftiu i BFI-së, Selver Xhemaili.
Myftiu Xhemaili tha: “Është një akt ndoshta i vogël, por shumë i çmueshëm. Për herë të parë, tregu i gjelbër do të ketë një faltore ku besimtarët gjegjësisht punëtorët që janë te tregu i gjelbër, të falin namazet në mënyrë komode. Është një faltore e vogël, përafërisht ka 18 metër katror, ku disa djem të rinj besimtarë, e kanë blerë dhe sot finalizuam të gjitha procedurat për kalimin si pronë vakëf, të njëjtën e kemi nënshkruar të noteri dhe tash e tutje kjo është pronë e besimtarëve apo vakëf.”
Në pyetjen për problemet që kanë ndodhur së fundi në Myftininë e Tetovës, Xhemaili tha: “Presim që të ketë një pranim dorëzim të qetë të detyrës. Unë kam qenë i qetë dhe kam lënë gjithçka të ecë në mënyrë profesionale dhe ligjore. Kështuqe, procedura ligjore dhe administrative, të gjitha kanë përfunduar dhe tani jemi duke pritur që pranim dorëzimi i zyreve të bëhet në mënyrën më të bukur dhe më të denjë ashtu siç na takon neve si teologë dhe hoxhallarë.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating