Çfarë po ndodh? Superliga Europiane mund të fillojë që në sezonin e ardhshëm…
Read Time:1 Minute, 37 Second
Vetëm pak kohë më parë, Gjykata e Drejtësisë e Bashkimit Europian vendosi në favor të Superligës që kishte apeluar monopolin nga FIFA dhe UEFA. Sipas GJED-së, ka abuzim me pushtetin dominues nga dy organet më të larta të futbollit, që ushtrojnë monopol.
Presidenti i Barcelonës, Joan Laporta, deklaroi ditën e djeshme se projekti i Superligës Europiane mund të fillojë që në sezonin e ardhshëm, duke shtuar se atij nuk i intereson nëse klubet angleze iu bashkohen apo jo. Barça, së bashku me Real Madridin, nisën një projekt të Superligës në vitin 2021, i cili u shemb shpejt pas tërheqjes së klubeve. Në dhjetor, Gjykata e Drejtësisë e Bashkimit Evropian tha se organet drejtuese të futbollit botëror dhe evropian, FIFA dhe UEFA, kishin shkelur ligjin e konkurrencës duke bllokuar krijimin e ligës në fjalë.
Kësisoj, gjigantët spanjollë tani po vazhdojnë përpjekjet e tyre për të nisur Superligën. Laporta deklaroi se sezoni i parë i kësaj lige mund të nisë vitin e ardhshëm. Laporta përmendi 15 klube që ai besonte se do të ishin të gatshëm t’i bashkoheshin garës nëse do të dilte nga terreni, por gjithashtu la të kuptohet se ai mund të largohet nga projekti nëse nuk themelohet së shpejti.
”Superliga mund të fillojë sezonin e ardhshëm, ose do të jetë në 2025-26, dhe nëse jo, do të rimendoj gjithçka. Ai gjithashtu tha se pikëpamja e tij ishte se një garë prej 16 skuadrash ishte e mundur në afat të shkurtër. “Përveç Barçës dhe Madridit, do të ishin edhe italianët: Interi, Milani, Napoli dhe Roma.Gjithashtu edhe skuadrat franceze si Maraseja dhe tre portugezët, Sporting, Benfica dhe Porto, të cilët do të ishin të lumtur të vinin. Dhe janë skuadrat holandeze Ajax, Feyenoord dhe PSV dhe Club Brugge nga Belgjika. Një garë me 16 ekipe do të ishte më e mirë. Pavarësisht nëse do të vijnë anglezët apo jo, nuk më intereson. Ata tashmë kanë një Superligë me Premier League”- tha Laporta.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating