Meta po punon në krijimin e çipave të personalizuar të mbështetur nga Inteligjenca Artificiale

Read Time:1 Minute, 9 Second

Meta së fundmi ka zbuluar planet e reja për të vendosur në qendrat e të dhënave një version të ri të një çipi të personalizuar, i cili synon të mbështetet nga Inteligjenca Artificiale (Al).

Çipi thuhet se mund të ndihmojë në reduktimin e varësisë së Meta-s nga kompania teknologjike Nvidia, ndërsa ajo garon për të sjell produkte me Al.

Kompania më e madhe e rrjeteve sociale është duke u përpjekur të rrisë kapacitetin e saj kompjuterik për produktet gjeneruese të Al në Facebook, Instagram, WhatsApp, dhe syzet inteligjente Ray-Ban.

Thuhet se vendosja e sukseshme e çipit të personalizuar të kompanisë mund të zvogëlojë miliona euro kosto vjetore dhe miliarda të tjerë në kostot e blerjes së çipave nga kompanitë e tjera.

Ky vendim u konfirmua edhe nga një zëdhënës i Meta-s, i cili theksoi se çipi i ri do të funksionojë në koordinim me qindra njësi të përpunimit grafik (GPU).

Shefi ekzekutiv i Meta-s, Mark Zuckerberg, muajin e kaluar ka njoftuar se kompania ka planifikuar që deri në fund të vitit të zotërojë afërsisht 350 mijë procesorë H100 nga Nvidia, e cila prodhon GPU-të më të kërkuara të përdorura për Al.

Çipi i ri i referuar si “Artemis”, mund të kryejë vetëm një proces të njohur si konkluzion në të cilin modelet thirren të përdorin algoritmet për të gjeneruar përgjigje ndaj kërkesave të përdoruesve.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Previous post Mark Zuckerberg fitoi 29 miliardë dollarë vetëm në mëngjes
Next post Eksperti i bio-mjekësisë: Implementimi i çipit elektronik në trurin e njeriut, ndihmon njerëzit e paralizuar