Arta Bilalli Zendeli për Tv 24: Është indikative se çfarë po ndodh në Aleancë, dy javë më parë e bëri të ditur Mickoski

February 6, 2024

Read Time:1 Minute, 28 Second

Për mendimin tim, është mirë që Ziadin Sela shpalli Kuvendin Qendror për të shtunën dhe organet e tyre legjitime do t’i zgjidhin problemet. Sa i përket rezultatit të zgjedhjeve dhe ndikimit të kësaj në BDI, nuk mendoj se do të ketë ndonjë ndikim duke gjykuar nga sondazhet dhe vlerësimet e BDI-së. Ne nuk mbështetemi në votat e Aleancës dhe sipas të gjitha sondazheve BDI është fituese e padiskutueshme, thotë Arta Bilali nga BDI.

Është indikative se çfarë po ndodh tani në Aleancën për Shqiptarët e ka bërë të ditur Hristijan Mickoski para dy javësh. Kjo do të thotë se një pjesë e Aleancës është e gatshme ta mbështesë Mickoskin, por si do të veprojnë kur të dalin amendamentet kushtetuese, kundër të cilave VMRO-DPMNE haptazi është kundër dhe që është frenim për BE-në. Mickoski është informuar mirë për këtë nga kreu i Aleancës, thotë Bilali.

Bilalli thotë se dëshiron që të hapet Kushtetuta dhe të fillojnë negociatat me BE-në, sepse qytetarët e Maqedonisë kanë të drejtë për një jetë më të mirë dhe kjo do të mundësojë anëtarësimin në BE.

“Kam ndjenjën se po humbim kohë dhe nuk besoj se 27 vendet anëtare të BE-së që votuan për atë kornizë negociuese, nuk besoj që ta ndryshojnë atë tani”, thotë Bilali.

Bilalli thotë se me siguri do të kenë 15 deputetë në zgjedhjet e ardhshme dhe me fushatën për kryeministër të parë shqiptar që u realizua, presin 18 deputetë.

-Është e turpshme retorika për të thënë se nuk do të ketë kurrë kryeministër shqiptar, sepse BDI-në e votojnë qytetarët shqiptar. Republika Veriore e Maqedonisë konsiderohet në Europë si një vend që arriti të kapërcejë tensionet ndëretnike. Nuk mund të përjashtohen 120 mijë shqiptarë që votojnë për BDI-në, thotë Bilali.