Deputetët do të debatojnë për zgjedhjen e prokurorit të ri shtetëror dhe gjykatësit të ri kushtetues
Propozimet për zgjedhjen e prokurorit Lupço Kocevski për prokuror të ri publik republikan dhe zgjedhjen e profesoreshës Ana Pavllova Daneva për gjykatëse të Gjykatës Kushtetuese, janë në rend dite në seancën e re të 40-të të Kuvendit të Republikës së Maqedonisë së Veriut.
Propozimi për prokuror Lupço Kocevski është dorëzuar nga Qeveria, ndërsa ai ka qenë i vetmi që ka marrë mendim pozitiv nga Këshilli i prokurorëve publik, krahas prokuroreve Fatime Fetai dhe Lidija Raiçeviq.
Kocevski është avokat nga viti 1995, ndërsa në vitin 2008 është zgjedhur në prokurorinë e lartë në Gostivar. Para dy viteve është avancuar në Prokurorinë republikane.
Prokurori shtetëror paraprak, Lubomir Joveski, është zgjedhur më 25 dhjetor të vitit 2017, ndërsa e ka trashëguar Marko Zvërlevski, i cili është shkarkuar në gusht të vitit të njejtë. Për momentin, u.d. prokurore republikane në vendin e Lubomir Joveskit është prokurorja Sonja Simovska.
Profesoresha Ana Pavllova Daneva vjen nga Fakulteti Juridik “Justiniani i Parë” – Shkup. Ajo është propozuar pasi që LSDM-ja e tërhoqi propozimin për Lubomir Joveskin, i cili është propozuar para pothuajse dy viteve. Gjykata Kushtetuese kohë të gjatë ka punuar me përbërje jo të plotë, ndërsa përzgjedhja e Pavllova Danevës, do ta plotësonte vendin e fundit të zbrazët në Gjykatë.
Të Tjera
NATO dislokon trupa në RMV dhe Kosovë
Kështu njoftoi NATO-ja më 30 shtator, duke thënë se kjo është hera e parë që forca të ARF-së do të...
Dauti: Nuk lejova që VMRO dhe LSDM ta fusin në rend dite Ligjin për “branitellat”
Deputetët e LSDM-së dhe VMRO-së në mbledhjen e sotme të Komisionin parlamentar për politikë sociale, demografi dhe rini, sërish kërkuan...
Anketë: BDI forca e dytë politike në vend
BDI E VETME 13.9%, KATËR PARTI TË VLEN – 11.7% Katër partitë pjesë e koalicionit VLEN bashkë gëzojnë përkrahjen e...
Ministri i Administratës, Goran Minçev, ka ndaluar punësimet me balanser
Ministri i Administratës, Goran Minçev, ka ndaluar punësimet me balanser. Për këtë, ka shkruar Anita Latifi ku pushtetit, ia uroi...
Alpinistja e zhdukur gjendet e vdekur në Malin Sharr
Një apliniste 72-vjeçare sot në mëngjes është gjetur në Malin Sharr në rajonin e Lubotenit, pa shenja jete, njoftoi Qendra...
Rrahu nënën e tij, arrestohet 32 vjeçari nga Gostivari
Me datë 30.09.2024, në ora 01:10, zyrtarë policorë të Policisë së Gostivarit në rrugën ,,18 Nëntori” në Gostivar kanë privuar...
Average Rating