Muriqi i lumtur për përkrahjen nga tifozët, uron të qëndrojë gjatë tek Mallorca
Read Time:45 Second
Vedat Muriqi është shprehur i lumtur për golin që i solli fitoren Mallorcas.
Të dielën mbrëma, Mallorca fitoi 2:1 ndaj Rayo Vallecanos, ndërsa Muriqi shënoi golin e fitores në minutën e 91-të.
“Ndjenja shumë të mira. Kur trajneri më tha se do të startojë, unë vërtetë kam dashur që Muriqi të kthehet, të shënoj gol dhe të fitojmë tri pikë. 90 minutat e parë pas një kohe të gjatë dhe një gol i rëndësishëm. Kështu që jemi të lumtur”, ka thënë Muriqi për sajtin zyrtar të Mallorcas.
Ai më pas ka folur për përkrahjen që ka nga shikuesit e Mallorcas.
“I dua shumë tifozët. Prej ditës së parë kanë bërë që të ndihem shumë komod, unë dhe familja ime. Shpresoj për shumë vjet këtu”, ka thënë Muriqi.
“Në fund të rëndësishme janë tri pikët. Jemi gjashtë pikë larg zonës së rënies, por është ende herët dhe duhet të vazhdojmë para”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating