Bytyqi: Sundimi i ligjit është pika e dobët në vend, opozita nuk ka asnjë ofertë
Është për të ardhur keq që kjo qeveri u përball me shumë kriza të jashtme dhe një pjesë e madhe e fondeve u desh të drejtoheshin për të korrigjuar pasojat e atyre krizave. Parashikimet e Bankës Botërore ishin se në krizën e Covid-it Maqedonia do të humbasë 98 mijë vende pune, por ne kemi shpëtuar 80 mijë vende pune dhe askush nuk po flet për këtë, tha zv. kryeministri për Çështje Ekonomike në Qeveri, Fatmir Bytyqi.
Ai për “TV24” thotë se në këto shtatë vite janë bërë një sërë gjërash të mira, por i vjen keq që nuk ka mundur t’u ndihmohet studentëve me një qytet të ri studentor. “Në Tetovë është ndërtuar konvikti i studentëve, ku nuk ka pasur kurrë, por duhet të ketë edhe në Shtip, thotë Bytyqi.
Ai avokon për reforma serioze në arsim dhe që të mos jemi në fund të listave të PISA-s.
Për autostradën Kërçovë-Ohër, të cilën po e ndërton konsorciumi kinez, Bytyqi thotë se kompania nuk i përmbush obligimet e saj për aq shumë anekse, prandaj mendon se nuk ka më nevojë të bisedohet me dikë që nuk i përmbush premtimet.
“Në pjesën ekonomike pothuajse nuk ka asgjë që LSDM-ja ka premtuar dhe nuk e ka realizuar”, thotë Bytyqi.
Ai thotë thotë se momentalisht pika më e dobët është sundimi i ligjit, ndërsa pika më e dobët e opozitës është se nuk kanë ofertë dhe po ndërtojnë një shoqëri të ndara, për dallim nga LSDM që ka vizion të qartë evropian.
“Ne kemi nevojë për një ndryshim transformues. Duhet të bëjmë diçka për ta bërë më të mirë”, shton Bytyqi.
