“Gjyshi i satelitëve” do të bjerë në Tokë orët e ardhshme

Sateliti ka rënë gradualisht që nga viti 2011 dhe do të bjerë poshtë në mënyrë të pakontrolluar gjatë ditës së sotme [e mërkurë].

Agjencia Evropiane e Hapësirës (ESA) ka thënë se pjesa më e madhe e satelitit prej dy tonësh do të digjet gjatë rënies.

Është e mundur që disa pjesë më të forta mund të përballojnë ngrohjen intensive të krijuar gjatë rënies me shpejtësi të lartë, por shanset që këto fragmente të godasin zonat e banuara dhe të shkaktojnë dëme janë të pakta.

Ato mund të zbarkojnë pothuajse kudo në botë, por me shumicën e sipërfaqes së Tokës të mbuluar nga oqeani, çfarëdo mbeturinash që mbijetojnë ka më shumë gjasa të humbasin në det.

Agjencia lëshoi dy satelitë pothuajse identikë të Tokës, Remote Sensing (ERS), në vitet 1990. Ata ishin vëzhguesit planetarë më të sofistikuar të kohës, duke mbajtur një sërë instrumentesh që gjurmonin ndryshimet në tokë, oqeane dhe ajër.

Satelitët monitoruan përmbytjet, matën temperaturat kontinentale dhe të sipërfaqes së oqeanit, gjurmuan lëvizjen e fushave të akullit dhe ndien shtrëngimin e tokës gjatë tërmeteve.

Dhe ERS-2, në mënyrë specifike, prezantoi aftësi të re për të vlerësuar shtresën mbrojtëse të ozonit të Tokës.

Satelitët janë përshkruar si “gjyshërit e vëzhgimit të Tokës në Evropë”.