Këshilli Gjyqësor i pakënaqur me vendimin për mos rritjen e pagave të gjyqtarëve
Read Time:1 Minute, 2 Second
Anëtarët e Këshillit Gjyqësor i kërkojnë Gjykatës Kushtetuese rishikimin e ligjit për kufizimin e rritjes së pagave të tyre.
Ata kanë paraqitur një iniciativë për vlerësimin e kushtetutshmërisë dhe ligjshmërisë me të cilën kundërshtojnë dispozitat e Ligjit për pagat e anëtarëve të Këshillit Gjyqësor.
Këshilli vlerëson se zbatimi i ligjit që kufizon rritjen e pagave të gjyqtarëve dhe anëtarëve të gjyqësorit është një goditje për pavarësinë e gjyqësorit.
“Nisur nga pozita e tij kushtetuese dhe kompetencat ligjore, Këshilli Gjyqësor i Republikës së Maqedonisë së Veriut si organ i pavarur i gjyqësorit dhe si organ që është i obliguar të sigurojë dhe garantojë autonominë dhe pavarësinë e autoritetit gjyqësor, ka dorëzuar iniciativë për vlerësimin e kushtetutshmërisë dhe ligjshmërisë së Gjykatës Kushtetuese të Republikës së Maqedonisë së Veriut, e cila konteston dispozitat e Ligjit për ndryshimin e Ligjit për pagat e gjyqtarëve dhe Ligjit për ndryshimin e Ligjit për pagat e anëtarëve të Këshillit Gjyqësor të Republikës së Maqedonisë së Veriut”, thuhet në reagimin e Këshillit Gjyqësor.
Nisma për rishikimin e ligjeve për pagat e gjyqtarëve, shkon në Gjykatën Kushtetuese më pak se një vit pasi gjykata anuloi dispozitën që kufizonte rritjen, kështu që pagat e gjyqtarëve dhe zyrtarëve u rritën me 78 për qind marsin e kaluar.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating