RMV: “Doganierëve t’u bëhet test poligrafi”, Pivovarov paralajmëron luftë kundër korrupsionit në pikat kufitare
Koordinatori kombëtar për menaxhim kufitar, Vlladimir Pivovarov, kërkon ndryshime ligjore me të cilat secili nëpunës në pikat kufitare rregullisht do të kontrollohet përmes poligrafit, përcjell TV21. Këtë masë Pivovarov e paralajmëron si pjesë të luftës kundër korrupsionit në pikat kufitare për çka paralajmëroi edhe organizimin e debateve publike. Çdo polic kufitar ose doganier që nuk do ta kalojë poligrafin, propozohet që të largohet nga ai post i punës e më pas prokurori publik të zbatojë procedura adekuate hetimore.
“Vlerësimi ynë është se ekonomia gri fillon pikërisht në linjën kufitare. Nëse nga 36%, siç thotë Banka Botërore është ekonomi gri, në BPV-në tonë, kjo do të thotë se ai numër është diku rreth 5 miliardë euro. Çfarë ndodh, cili është propozimi ynë se çfarë do të ndodh me personat që nuk do e kalojnë poligrafin? Sipas logjikës dhe sipas praktikave pozitive europiane, ai person menjëherë largohet nga ai vend pune. I gjithë njoftimi nga momenti i ngjarjes së tillë vjen në duart e prokurorit publik”, tha Vlladimir Pivovarov, koordinator kombëtar për menaxhim kufitar.
