Katër vjet anëtare e NATO-s, Xhaferi: Maqedonia e Veriut faktor stabiliteti në Ballkanin Perëndimor

March 26, 2024

Read Time:1 Minute, 19 Second

Me rastin e katër vjetorit të anëtarësimit të Maqedonisë së Veriut në NATO, Qeveria mbajti një seancë formale të kryesuar nga kryeministri teknik Talat Xhaferi.

Ai iu referua rrugës së anëtarësimit dhe theksoi se që nga viti 1993, kur u miratua rezoluta në Kuvend, ne kemi kaluar nëpër shumë tranzicione, kontribuojmë aktivisht në misionet e paqes së bashku me ushtrinë e vendeve të tjera të Aleancës, kështu që sot ne jemi një anëtar i respektuar dhe i vlerësuar “që ka vendin e vet në tryezën e vendimmarrjes dhe është një faktor stabiliteti në Ballkanin Perëndimor”.

Hyrja në NATO u sigurua me reforma dhe Marrëveshjen e Prespës, siç tha Xhaferi, “me vendime të mençura dhe të guximshme shtetërore të qeverisë së atëhershme.”

Xhaferi tha se me anëtarësimin në Aleancë ne jemi pjesë e demokracive më të zhvilluara në botë dhe jemi pjesëmarrës në ruajtjen e paqes për mbi një miliardë njerëz dhe ushtria jonë është transformuar në nivelin e aleatëve.

“Besoj se të gjithë qytetarët janë krenarë me pamjen e flamurit të Maqedonisë së Veriut që valëvitet para selisë së NATO-s në Bruksel. Është një pamje e historisë dhe e së ardhmes në një vend. Jam krenar që arritëm të shkruajmë një histori të tillë. Sot Maqedonia e Veriut është anëtare e çmuar e Aleancës, jo vetëm që jetojmë në stabilitet dhe siguri, por jemi faktor stabiliteti në Ballkanin Perëndimor”, theksoi Xhaferi.

Duke parë krizat aktuale në botë dhe të gjitha pikat e nxehta, ai theksoi se “është vërtetuar korrektësia e të gjitha vendimeve të vështira që na çuan në anëtarësimin e sotëm në NATO.”