Mbi tre mijë të punësuar në kulturë pa paga, prej nesër nisin me protesta

April 18, 2024

Read Time:1 Minute, 28 Second

Punonjësit e institucioneve të kulturës nga nesër nisin protestat të cilat nuk do të ndalen deri në marrjen e pagës së muajit mars në përputhje me marrëveshjet kolektive.

Siç njoftoi në konferencën e sotme kryetarja e Sindikatës së punëtorëve të kulturës Vera Atanasovska, paditë për vonesën e pagave janë në proces.

Protestat do të zhvillohen çdo ditë nga ora 13:00 para Ministrisë së Kulturës.

“Nuk është paguar rroga për muajin mars. Janë shkelur të gjitha afatet ligjore dhe tre mijë punonjës të kulturës nuk janë paguar. Më telefonuan nga zyra e ministres së Kulturës ku më thanë se sot në orën 13 duhet të kemi një takim në Ministrinë e Financave. Nuk jam e informuar se për çfarë do të bëhet takimi, por menjëherë më pas kam marrë telefonata nga institucionet e kulturës se punonjës të Ministrisë së Kulturës kanë thirrur institucionet dhe kanë thënë se paga duhet të paguhet pa u përshtatur sipas kontratës kolektive”, theksoi Atanasovska në konferencën për shtyp para Ministrisë së Kulturës.

Sipas Atanasovska, për pak ditë do të mbeten pa sigurim shëndetësor tre mijë punonjës të kulturës dhe familjet e tyre.

“Edhe sot, më 18 prill, nuk ka ende pagë për muajin mars. Të gjithë e dimë shumë mirë që sa herë që zbatohen marrëveshjet kolektive dhe bëhen premtime financiare, ato duhet të harmonizohen me Ministrinë e Financave. Ndërsa ministrja e kulturës më 1 prill nga i njëjti vend premtoi rritje pagash për muajin mars nëse më parë nuk kishte rënë dakord për të njëjtën rritje me ministrin e financave, tani kush e ka fajin për mospagesën e pagave në kulturë”, shtoi Atanasovska.

Sipas Atanasovskas, kjo jo vetëm që kërcënon jetesën e atyre që janë të përkushtuar ndaj artit dhe kulturës, por cënon edhe integritetin e institucioneve tona kulturore.