BDI- dega e Çairit anulon gjitha iftaret: Mjetet do tu dërgohen familjeve të viktimave nga tragjedia në Koçan
Read Time:52 Second
Nga BDI dega e Çairit kanë njoftuar se do të anulojnë të gjitha iftaret e parapara për ketë Ramazan, dhe se mjetet, do të dërgohen për familjet e viktimave nga tragjedia në Koçan.
“Me dhimbje dhe solidaritet të thellë ndaj familjeve të prekura nga tragjedia në Koçan, Bashkimi Demokratik për Integrim – Dega Çair ka vendosur të anulojë të gjitha iftaret e planifikuara për këtë muaj të shenjtë të Ramazanit.
Mjetet e parapara për organizimin e këtyre iftareve do të ridestinohen për të ndihmuar familjet e viktimave, me qëllim lehtësimin e barrës së tyre në këtë moment të rëndë.
Ramazani është muaj i reflektimit, sakrificës dhe ndihmës për njëri-tjetrin. Në këtë frymë, ndjejmë për detyrë që në vend të grumbullimeve festive, të qëndrojmë pranë atyre që kanë humbur më të dashurit e tyre dhe që po përballen me dhimbje të madhe.
Urojmë që Zoti t’ju japë forcë familjeve të viktimave dhe që ky muaj i shenjtë të sjellë më shumë solidaritet dhe mirëkuptim mes nesh”, thuhet në njoftimin e BDI dega e Çairit.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating