Maqedonia e Veriut, vendi i parë që merr fondet sipas planit të rritjes së BE-së për Ballkanin Perëndimor
Read Time:49 Second
Maqedonia e Veriut është vendi i parë që merr fondet e para sipas planit të rritjes së BE-së për Ballkanin Perëndimor. Vendi do të marrë 52,2 milionë euro, të cilat janë të destinuara për të mbështetur zbatimin e reformave.
24.5 milionë euro do të akordohen në buxhetin e shtetit për të mbështetur zbatimin e reformave të parashikuara në agjendën e reformave, ndërsa 25 milionë euro do të transferohen drejtpërdrejt në Kornizën e investimeve të Ballkanit Perëndimor për t’u përdorur për projekte infrastrukturore në vend.
Ndryshimet e nevojshme strukturore në Maqedoninë e Veriut do të mbështeten me gjithsej 750.4 milionë euro nga Fondi për Reforma dhe Rritje të Ballkanit Perëndimor në periudhën 2024-2027, me fokus në prioritetet në administratën publike, sundimin e ligjit dhe antikorrupsionin, digjitalizimin dhe zhvillimin e kapitalit njerëzor.
Plani i Rritjes i Bashkimit Evropian për Ballkanin Perëndimor synon integrimin e përshpejtuar të rajonit në BE, duke përfshirë qasje progresive në tregun e vetëm të BE-së. / Alsat.mk
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating