Si do dukej “Fronti Europian” me Taravarin brenda koalicionit?

Gramafoni
Read Time:2 Minute, 36 Second

Është krijuar si traditë, që para vendimeve të mëdha politike, së pari, fjala rrjedh nëpër popull. Prej te aktivistët e partive e deri te votuesi i thjeshtë që nuk ka qasje në parti, por këto lëvizje i kupton në kafene të lagjes apo më vonë në lajmet online, shkruan Gramafoni.

Në këtë mënyrë filloi edhe ngjarja me Taravarin dhe VLEN-in. Njëherë në kafene, e më vonë në media e deri në konferencat për shtyp të eksponentëve të koalicionit VLEN.

Liderët e koalicionit në një mënyrë e kanë pranuar se situata brenda koalicionit VLEN nuk është ashtu si ishte në fillim të mandatit.

Siç duket, VLEN ka gabuar që nuk i vazhdoi përpjekjet për krijimin e një subjekti politik të vetëm, ku brenda saj do të ishin të gjithë partnerët e sotëm të VLEN-it, ASH, AAA, LD, BESA, VV.

Përballja e përditshme me një VMRO-DPMNE të fortë që nuk e bën askënd hesap, VLEN ka filluar të detektojë probleme. Këtë radhë problemet kanë filluar nga vetvetja, dhe si duket zgjedhjet lokale do të jenë mollë sherri për këtë koalicion.

Aleanca për Shqiptarët, e Arben Taravarit, vitin e kaluar bëri hapin më të rrezikshëm që mund ta ndërmerr një grupacion politik, atë të ndarjes së partisë në dysh. Ishte hap i rrezikshëm dhe që kërkonte sakrificë. Edhe pse ASH-ja u dëshmua që është më e strukturuar në terren sesa partitë tjera që kanë karakter lokal të shtrirjes, kjo parti nuk mori hisen e meriturar dhe të dakorduar në pushtet.

Pushteti që i takonte koalicionit VLEN, u vendos në tavolinë dhe u hodhën zaret. Dikush fitoi më shumë, e dikush më pak. Kështu e ka bixhozi.

Në hedhjen e zareve, zakonisht humb ai që ka më shumë. Në këtë rast ndodhi e njëjta e ASH’në e Taravarit.

Taravari, edhe pse me partinë më të madhe dhe pas asaj sakrifice, në pushtet mbetet partia e katërt për nga rëndësia e funksioneve që kanë në ekzekutiv.

Siç duket, Aleanca për Shqiptarët nuk do të vazhdojë të rrijë duarkryq dhe të vazhdojë kështu edhe në zgjedhjet lokale.

Taravari në konferencat për shtyp, nuk ka mohuar se ka kanale komunikimi me shumicën e liderëve, duke e përfshirë edhe Ali Ahmetin.

Ali Ahmeti, në opinonin shqiptar njihet si njeri gjeneroz, dhe si lider që ka ditur të lidh aleanca të ndryshme, edhe me kundërshtarët më të mëdhenj politik të tij.

Sipas informatave që qarkullojnë në terren, përveç pesë deputetëve që i ka Aleanca për shqiptarët, pritet që t’iu bashkangjiten edhe tre deputetë tjerë të VLEN-it, dhe të bëhen gjithësej 8 deputetë.

Nëse Aleanca për Shqiptarët vendos që rrugën e saj politike ta bëj në opozitë, bashkë me Frontin Europian, atëhërë së bashku në opozitë do të ishin 26 deputetë. Ndërsa koalicioni VLEN në Qeveri do të kishte vetëm 6 deputetë.

Edhe pse VMRO-DPMNE bashkë me ZNAM-in kanë shumicë pa pasur nevojë për shqiptarët, kjo lëvizje do të shkaktonte krizë politike, nëse jo numrash.

Se si do të rrjedhin ngjarjet në vazhdim, do ta mësojmë shumë shpejt gjatë muajit prill kur pritet të definohen rrugëtimet politike të të gjitha subjekteve.

About Post Author

Gramafoni

gaqifi@gmail.com
https://gramafoni.com
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
0 0

Average Rating

5 Star
0%
4 Star
0%
3 Star
0%
2 Star
0%
1 Star
0%
(Add your review)

109 thoughts on “Si do dukej “Fronti Europian” me Taravarin brenda koalicionit?”

Leave a Reply

Your email address will not be published. Required fields are marked *

Previous post Taravari: Nuk më intereson të jem lider i VLEN-it
Next post “Bajrami mundësi për të shtrirë dorën e pajtimit”, mesazhi i Fitër Bajramit – Reis i BFI’së

Të Tjera