Osmani: VLEN po bën punë anti-shqiptare, u vendosën në shërbim të realizimit të programit të VMRO-DPMNE-së
Nënkryetari i Bashkimit Demokratik për Integrim, Bujar Osmani i ftuar në emisionin Klan Debat në Klan Macedonia tha se VLEN po kryen vazhdimisht punë anti-kombëtare, pasi sipas tij kanë shkelur çdo parim të garantuar nga Marrëveshja e Ohrit, si garancë për arritjet dhe përfaqësimin shqiptar.
“Vlen është duke bërë punë anti-kombëtare nga dita kur u bënë pjesë e qeverisë pa legjitimitet. Hyrja e Vlen-it në qeveri si preferencë e kryeministrit e jo nga legjitimiteti, theu parimin e kontrollimit të proceseve në shtet nga shqiptarët. U thyen vijat e kuqe të miratuara nga ata që luftuan në vitin 2001 dhe sipas parimeve të miratuara nga Marrëveshja e Ohrit. Parimi kryesor ishte të respektohen shqiptarët, ndërsa VLEN me dy këmbë shkelën mbi ato parime”, tha Osmani.
Osmani tha se nuk komenton ngjarjet e fundit në VLEN kur po flitet për krisje të raporteve ndërmjet partnerëve të koalicionit.
“Ne njihemi me shumëkë brenda partive politike. Ne nuk duam të ndërhyjmë në dinamikat brenda palëve në VLEN. Ne e dijmë që çka do që ndodh, do të lë pasoja që më vite nuk do të mund t’i rregullojmë sepse VLEN i shkeli këto parime që i kishim, një ndër ta ishte balancuesi. Nuk ma më badentër, as në Gjykatë Kushtetuese nuk ka më respektim të badentërit, pra çdo parim u thye”, tha Osmani.
Ai shtoi se BDI po përgatitet për zgjedhje të parakohshme parlamentare dhe për zgjedhje lokale, pasi siç tha ai kanë ndodhur ngjarje për të cilat nuk durohet më.
