A po e “instalon” Mickoski kandidatin shqiptar në Kërçovë? Fatmir Limani pritet të jetë kandidat i përbashkët i VMRO-DPMNE-së dhe VLEN-it?
Read Time:47 Second
Shkup, 4 korrik – Burime të besueshme partiake thonë për PressOnline.al se Ministri aktual për Çështje Sociale, Demografi dhe Rini, Fatmir Limani pritet të jetë kandidatura e përbashkët e VLEN-it dhe partisë maqedonase në pushtet, VMRO-DPMNE, për kryetar të Komunës së Kërçovës në zgjedhjet lokale që pritet të mbahen në vjeshtë.
Sipas informatave të siguruara nga brenda strukturave të VLEN-it, emri i ministrit është diskutuar në takimet e nivelit më të lartë si zgjidhje “kompromisi” dhe “e koordinuar” me vetë kryeministrin Hristijan Mickoski. Pritet që kandidatura të shpallet zyrtarisht në javët e ardhshme, ndërsa ekipet e fushatës tashmë janë duke u përgatitur në terren.
Por kjo lëvizje po ngjall shqetësim në opinionin shqiptar.
A po instalon Mickoski njerëzit e vet në politikën shqiptare?
Kritikët e këtij bashkëpunimi thonë se bëhet fjalë për një tentativë të qartë të kryeministrit maqedonas për të kontrolluar jo vetëm institucionet shtetërore, por edhe përfaqësimin politik të shqiptarëve në nivelet lokale.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating