Ramadani: Kur Parlamenti Evropian flet për “Botën Serbe”, dikush këtu merret me ambasadorin shqiptar…

Sekretari i përgjithshëm i Aleancës për Shqiptarët Blerant Ramadani përmes një postimi në prifilin e tij ka komentuar situatën me ambasadorin Denion Meidani duke shkruar se ” Në një kohë kur draft-rezoluta e Parlamentit Evropian alarmon për rrezikun real të ndikimit destabilizues të “Botës Serbe” në Maqedoninë e Veriut, disa qarqe këtu zgjedhin të merren me Denion Meidanin, një ambasador i cili nuk qëndroi në zyrë, por në mesin e qytetarëve, në zemër të Çarshisë!” shkruan Top24

Blerant Ramadani

Kur Parlamenti Evropian flet për “Botën Serbe”, dikush këtu merret me ambasadorin shqiptar

Në një kohë kur draft-rezoluta e Parlamentit Evropian alarmon për rrezikun real të ndikimit destabilizues të “Botës Serbe” në Maqedoninë e Veriut, disa qarqe këtu zgjedhin të merren me Denion Meidanin, një ambasador i cili nuk qëndroi në zyrë, por në mesin e qytetarëve, në zemër të Çarshisë!

E çuditshme? Aspak. Kjo është logjika e pushteteve të tronditura nga e vërteta. Nga një ambasador shqiptar që përfaqëson me dinjitet shtetin e tij dhe i jep zë një fryme të re ballkanike, jo “serbe”, por demokratike, njerëzore dhe europiane.

Në vend se të merremi me pasojat që koncepti i “Botës Serbe” po sjell në institucione, në retorikë, në diskriminime të reja për popujt tjerë dhe demokracinë, dikush e ka më lehtë të gjuajë me gur mbi një njeri që u bë simbol i komunikimit të hapur dhe të drejtpërdrejtë me popullin.

Ne i bëhemi krah ambasadorit Meidani dhe çdo zëri tjetër që përfaqëson të vërtetën, drejtësinë dhe interesin real të shqiptarëve si dhe të popujve të Ballkanit në tërësi për një të ardhme të përbashkët në Evropë, jo në hijen e projekteve të vjetra hegjemoniste.

Kujt i pengon ambasadori Meidani? Po ndoshta të njëjtëve që u pengon edhe raporti i Parlamentit Evropian.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %