Në prehërin e Mickos! Pa dorashka

Shkruan: Medai Shaholli
Në prehërin e Mickos!
Pa dorashka

Ky është shpërblimi për Bilin e vockël nga ana e kryekomitit Micko (duke e mbajtur në prehër vasalin e vockël), me urdhër të prerë për administratën qeveritare, gjykatës dhe prokurorë, shefa policie dhe për ministrin e brendshëm, për një kujdes të veçantë për kryetarin e komunës së Tetovës, ku nga sot e tutje, zyra e tij do të jetë në mbikqyrje të qeverisë, si objekt i rëndësisë së veçantë në mbrojte të shtetit.

Përkujdesja e shtetit ndaj Bilit të vockël por sherrmadh, bëhet me motivacion: Për përgjigje fletërrufe ndaj ambasadorit “shqiptaromadh” Mejdani, i cili ndërhyri në punët e brendshme të “državës”!

Kësisoj, po ngjizet miqësia mes vasalëve të VREDI-t me komitët ku këta të fundit do t’i mbështesin nga vasalët e tyre komitët në zgjedhjet lokale siç janë: Struga me kandidatin e VMRO-së, Mendi Qyrën apo Kërçova me cjapin vredist, dhe kështu me radhë nëpër komuna ku VREDI nuk ka shanse të fitojë siç janë Dibra apo Vrapçishti e Gostivari, fora e ngrohtë e miqve komitë do të jenë aty për t’i mbështetur ata.

Prandaj, çmenduria dhe harbimi i Bilit të vockël dhe sherrmadh ishte jovetëm antishqiptar por edhe shprehje e panikut sepse z. Mejdani po bën detyrën që duhesh ta kishim bërë ne.
Ky veprim ka zemëruar despotin Micko i cili ndërseu konen e tij për ta kafshuar z. Mejdani ndaj ndërhyrjes për shkollën shqipe në fshatin Nerovë.

Dhe historia përsëritet si para tri a katër dekadave më parë, kur populli shqiptar u rreshtua me të drejtën dhe interesat kombëtare dhe pushteti titist nga ana tjetër me shqiptarët e “ndershëm” që sulmonin Shqipërinë për nxitje të irredentizmit shqiptar dhe ndërhyrje në punët e brendshme të Jugosllavisë.

Trimat e VREDI-t janë Sejdo Bajramoviqët e kohës së re, të “ndryshimit” dhe të vasalitetit, të nënshtrimit, e të denigrimit, të përdhodjes së dinjitetit kombëtar për shkak të ladutërisë për një çik pushtet e për më shumë para!

Kjo ëshë fytyra e vërtetë e vredistëve që erdhën me premtimin e madh për “ndryshim”, duke ndenjur në prehërin e despotit Micko!

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %