Autostrada Kërçovë-Ohër larg përfundimit, kontrata skadon më 31 dhjetor
Se kush do të vazhdojë ta ndërtojë autostradën Kërçovë-Ohër, kompania kineze “Sinohidro” apo dikush tjetër, Qeveria ende nuk ka njoftuar, shkruan Alsat.
Kontrata me kompaninë kineze skadon më 31 dhjetor, por autostrada është larg përfundimit.
Nga Qeveria thonë se është duke u përgatitur raporti i ekspertëve, e cila më pas duhet t’i dorëzohet Ndërmarrjes Publike për Rrugë Shtetërore, Ministrisë së Transportit dhe Qeverisë.
“Do të dërgohet për shqyrtim në seancë të Qeverisë, pas çka do të vendoset mënyra e ndërtimit në njërën nga seancat në vijim. Ndërtimi i autostradës Kërçovë-Ohër është prioritet dhe në këtë drejtim po ndërmerren të gjitha aktivitetet e nevojshme për përfundimin e saj”, thonë nga Qeveria.
Ekspertët thonë se e rëndësishme është përfundimi i menjëhershëm. Për vite me radhë, vozitja në këtë aks rrugor është e pasigurt.
“Jemi të pasigurt vetëm duke dalë nga kjo autostradë. Vetë sinjalistika, si horizontale ashtu edhe vertikale, ka shumë pak efekt në sigurinë e trafikut, sepse ajo që është e instaluar është joefektive…”, tha Ljupço Milkoski – konsulent për dukuri të sigurisë.
Kryeministri Dimitar Kovaçevski tha muajin e kaluar se nuk sheh faj tek ai dhe as tek ministrat e tij që autostrada nuk do të jetë gati deri në fund të vitit, siç e siguroi qeveria opinionin. Ai paralajmëroi mundësinë e ndërprerjes së kontratës me kompaninë kineze Sinohydro dhe tha se duhet kërkuar përgjegjësi nga kontraktori dhe realizuesit.
Autostrada Kërçovë-Ohër është duke u ndërtuar për një dekadë të tërë, që nga viti 2014 dhe për të deri më tani janë shpenzuar 600 milionë euro.
Të Tjera
NATO dislokon trupa në RMV dhe Kosovë
Kështu njoftoi NATO-ja më 30 shtator, duke thënë se kjo është hera e parë që forca të ARF-së do të...
Dauti: Nuk lejova që VMRO dhe LSDM ta fusin në rend dite Ligjin për “branitellat”
Deputetët e LSDM-së dhe VMRO-së në mbledhjen e sotme të Komisionin parlamentar për politikë sociale, demografi dhe rini, sërish kërkuan...
Anketë: BDI forca e dytë politike në vend
BDI E VETME 13.9%, KATËR PARTI TË VLEN – 11.7% Katër partitë pjesë e koalicionit VLEN bashkë gëzojnë përkrahjen e...
Ministri i Administratës, Goran Minçev, ka ndaluar punësimet me balanser
Ministri i Administratës, Goran Minçev, ka ndaluar punësimet me balanser. Për këtë, ka shkruar Anita Latifi ku pushtetit, ia uroi...
Alpinistja e zhdukur gjendet e vdekur në Malin Sharr
Një apliniste 72-vjeçare sot në mëngjes është gjetur në Malin Sharr në rajonin e Lubotenit, pa shenja jete, njoftoi Qendra...
Rrahu nënën e tij, arrestohet 32 vjeçari nga Gostivari
Me datë 30.09.2024, në ora 01:10, zyrtarë policorë të Policisë së Gostivarit në rrugën ,,18 Nëntori” në Gostivar kanë privuar...
Average Rating