“Sinohydro” do të vazhdojë me ndërtimin e autostradës Kërçovë-Ohër
Deklaratat e nëntorit të kryeministrit Dimitar Kovaçevski se ka mundësi të shkëputet kontrata me kompaninë kineze “Sinohydro” për ndërtimin e autostradës Kërçovë-Ohër nuk u realizuan. Në seancën e sotme qeveria vendosi të nënshkruajë një aneks të kontratës me kontraktorin për shtyrjen e afatit të punimeve të ndërtimit, por nuk do të ketë borxh të ri financiar për zgjatjen dhe njëkohësisht ndërtimi i autostradës do të vazhdojë të realizohet, transmeton Portalb.mk.
“Qeveria autorizoi Kabinetin e Zëvendës kryeministrit të Qeverisë për çështjet ekonomike, Ministrinë e Transportit dhe Ndërmarrjen Publike për Rrugët Shtetërore, që të fillojnë negociatat me kontraktorin, për të përfunduar një aneks të kontratës, për të zgjatur afatin e realizimit, duke shfrytëzuar mjetet financiare tashmë të siguruara për përfundimin e autostradës Kërçovë – Ohër. Njëkohësisht, performanca e seksionit do të vazhdojë të zbatohet në vazhdimësi”, thuhet në njoftimin e qeverisë pas seancës së sotme.
Afati për përfundimin e ndërtimit të autostradës Kërçovë-Ohër skadon më 31 dhjetor të këtij viti. Në nëntor, kryeministri deklaroi se është e palejueshme që deputetët në Kuvend të shqyrtojnë edhe një herë vazhdimin e afatit për performancë. Më pas ai paralajmëroi një rishikim të të gjithë projektit mbi bazën e të cilit do të merret vendimi.
Qeveria në mbledhjen e sotme ka shqyrtuar dhe miratuar Informatat për Marrëveshjen për ndërtimin e autostradës A2, pjesa Kërçovë-Ohër, dhe ka konfirmuar se ndërtimi i autostradës Kërçovë-Ohër është prioritet.
“Edhe Qeveria, përmes Ministrisë së Transportit dhe Ndërmarrjes Publike për Rrugët Shtetërore, është e vendosur që të vazhdojë me përfundimin e tij, si pjesë e Korridorit Evropian 8”, thuhet në njoftimin e qeverisë.
Ndërtimi i autostradës Kërçovë-Ohër ka filluar në fillim të vitit 2014, me dokumentacion projektues që është konstatuar se ka mangësi të shumta në projektim edhe gjatë ndërtimit. Afati fillestar për përfundimin e këtij seksioni të autostradës ishte viti 2018 dhe deri tani ka “ngrënë” 600 milionë euro investime.
Të Tjera
NATO dislokon trupa në RMV dhe Kosovë
Kështu njoftoi NATO-ja më 30 shtator, duke thënë se kjo është hera e parë që forca të ARF-së do të...
Dauti: Nuk lejova që VMRO dhe LSDM ta fusin në rend dite Ligjin për “branitellat”
Deputetët e LSDM-së dhe VMRO-së në mbledhjen e sotme të Komisionin parlamentar për politikë sociale, demografi dhe rini, sërish kërkuan...
Anketë: BDI forca e dytë politike në vend
BDI E VETME 13.9%, KATËR PARTI TË VLEN – 11.7% Katër partitë pjesë e koalicionit VLEN bashkë gëzojnë përkrahjen e...
Ministri i Administratës, Goran Minçev, ka ndaluar punësimet me balanser
Ministri i Administratës, Goran Minçev, ka ndaluar punësimet me balanser. Për këtë, ka shkruar Anita Latifi ku pushtetit, ia uroi...
Alpinistja e zhdukur gjendet e vdekur në Malin Sharr
Një apliniste 72-vjeçare sot në mëngjes është gjetur në Malin Sharr në rajonin e Lubotenit, pa shenja jete, njoftoi Qendra...
Rrahu nënën e tij, arrestohet 32 vjeçari nga Gostivari
Me datë 30.09.2024, në ora 01:10, zyrtarë policorë të Policisë së Gostivarit në rrugën ,,18 Nëntori” në Gostivar kanë privuar...
Average Rating