Shpërthimi i granatës në veri të Mitrovicës – Personi i paidentifikuar hodhi mjetin shpërthyes në drejtim të dy viktimave
Dy persona kanë mbetur të plagosur të hënën mbrëma në veri të Mitrovicës, si pasojë e shpërthimit të një granate dore.
Njëri nga të plagosurit sipas policisë ka marrë lëndime të rënda, por që i njëjti ndodhet jashtë rrezikut për jetë.
Lidhur me këtë rast nga Prokuroria Themelore e Mitrovicës, kanë bërë të ditur se rasti është duke u hetuar si “Vrasje e rëndë në tentativë“, “Shkaktimi i rrezikut të përgjithshëm“ dhe “Mbajtja në pronësi, kontroll ose posedim të paautorizuar të armëve”.
“Më datë 15 janar 2024 rreth orës 23:52, në rrugën Knjaz Millosh në Mitrovicë të Veriut, një person deri tani i paidentifikuar ka hedhur një mjet shpërthyes që dyshohet të jetë granatë dore, në drejtim të dy viktimave të cilët kanë pësuar plagë trupore. Prokurori kujdestar i Krimeve të Rënda i Prokurorisë Themelore në Mitrovicë, ka dalë në vendin e ngjarjes dhe së bashku me policinë rasti është duke u hetuar për veprat penale “Vrasje e rëndë në tentativë“, “Shkaktimi i rrezikut të përgjithshëm“ dhe “Mbajtja në pronësi, kontroll ose posedim të paautorizuar të armëve”, ka deklaruar zëdhënësi i kësaj prokurorie, Valon Preteni.
Zëvendësdrejtori i policisë për rajonin e veriut, Veton Elshani ka thënë se lidhur me këtë rast ende nuk është arrestuar ndonjë person dhe se nuk beson që rasti ka të bëjë me çështje etnike.
Ai shtoi se granata ka shpërthyer jashtë hotelit “Bisevac”.
“Granata ka shpërthyer jashtë hotelit Bisevac, derisa tre persona kanë qenë duke hypur në veturë”, u shpreh Elshani.
Të Tjera
Ministri i Jashtëm i Turqisë takon edhe Ali Ahmetin gjatë vizitës në Maqedoni të Veriut
Ministri i Jashtëm turk Hakan Fidan tha në Shkup se stabiliteti i Ballkanit është ndër prioritetet e vendit të tij,...
WSJ-ja: Musk do të japë rreth 45 milionë $ në muaj për fushatën e Trumpit
Pretendohet se Elon Musk, pronar i kompanive si Tesla, SpaceX dhe X planifikon t'i dhurojë rreth 45 milionë dollarë në...
Kina pezullon konsultimet për kontrollin e armëve me ShBA-në
Për shkak të shitjeve të armëve amerikane në Tajvan, Kina deklaroi të mërkurën se ka vendosur të pezullojë konsultimet me...
Miliona njerëz përballen me temperatura ekstreme në SHBA
Miliona amerikanë po përgatiten për temperatura të rrezikshme, pasi një valë nxehtësie ka mbuluar pjesën e mesme dhe lindore të...
Ish-presidenti i SHBA-së, Clinton: Sot po falënderoj për 25 vjet paqe në Kosovë
Ish-presidenti i SHBA-së, Bill Clinton i cili pati rolin kyç në ndërhyrjen e NATO-së për t’i dhënë fund në Kosovë,...
Erjona Emini nga Tetova merr medaljen e bronztë në Kampionatin Ballkanik të karatesë
Erjona Emini nga Tetova ka marr vetin e tretë apo medaljen e bronzt në Kampionatin Ballkanik për Fëmijë - Stamboll...
Average Rating