Shkup: Mungesa e parkingjeve, përditshmëri në Qendrën Klinike
Zhurma të borive, zënka mes qytetarëve dhe makina të bllokuara që nuk mund të lëvizin as para e as pas.
Kjo është pamja e përditshme në qendrën klinike “Nënë Tereza” në Shkup. Qytetarët ankohen se për shkak të mungesës së vendparkimeve, humbasin terminet ose nuk mund t’u qëndrojnë afër familjarëve të tyre që kanë nevojë për trajtim mjekësor. Ata thonë se paguajnë kot, por nuk mund të gjejnë vend për të parkuar.
“Katastrofë është, vajzën e kam në operacion, veturën nuk mund ta lë. Domethënë paguajmë dhe nuk mund të parkohemi. Dyzet denarë paguajmë. Është katastrofë, duhet patjetër të merren masa, tha një qytetar.
“Kaosi si gjithmonë, kaq kohë dhe nuk mundën të bëjnë një garazhë me kate, të gjitha parkingjet që janë këtu, t’i bënin me kate, nuk do të ndodhte kjo. Me vite është kështu, duhet të rrish në makinë nuk mund të lëvizësh as para dhe as pas”, theksoi një qytetar tjetër.
Ministri i Shëndetësisë, Fatmir Mexhiti, tha se informata për ndërtimin e garazheve me kate ka kaluar në Qeveri, por tani pritet nënshkrimi që më pas të vijojë procesi i tenderimit.
“Informata në Qeveri ka kaluar, ka mbetur vetëm të nënshkruhet, është nënshkrimi i fundit në Qeveri dhe më pas menjëherë do ta shpallim tenderimin, faktikisht ai që do ta marrë parkingun. Do të jetë normal i hapur, do të jetë ndërkombëtar”, tha Fatmir Mexhiti, Ministër I Shëndetësisë.
Edhe në të kaluarën të gjithë ministrat e Shëndetësisë janë angazhuar për zgjidhjen e kaosit me mungesën e vendparkimeve në Qendrën Klinike, por situata nuk ka ndryshuar sot e kësaj dite./Alsat.mk
Të Tjera
NATO dislokon trupa në RMV dhe Kosovë
Kështu njoftoi NATO-ja më 30 shtator, duke thënë se kjo është hera e parë që forca të ARF-së do të...
Dauti: Nuk lejova që VMRO dhe LSDM ta fusin në rend dite Ligjin për “branitellat”
Deputetët e LSDM-së dhe VMRO-së në mbledhjen e sotme të Komisionin parlamentar për politikë sociale, demografi dhe rini, sërish kërkuan...
Anketë: BDI forca e dytë politike në vend
BDI E VETME 13.9%, KATËR PARTI TË VLEN – 11.7% Katër partitë pjesë e koalicionit VLEN bashkë gëzojnë përkrahjen e...
Ministri i Administratës, Goran Minçev, ka ndaluar punësimet me balanser
Ministri i Administratës, Goran Minçev, ka ndaluar punësimet me balanser. Për këtë, ka shkruar Anita Latifi ku pushtetit, ia uroi...
Alpinistja e zhdukur gjendet e vdekur në Malin Sharr
Një apliniste 72-vjeçare sot në mëngjes është gjetur në Malin Sharr në rajonin e Lubotenit, pa shenja jete, njoftoi Qendra...
Rrahu nënën e tij, arrestohet 32 vjeçari nga Gostivari
Me datë 30.09.2024, në ora 01:10, zyrtarë policorë të Policisë së Gostivarit në rrugën ,,18 Nëntori” në Gostivar kanë privuar...
Average Rating