Osmani dhe Taravari mbledhin nënshkrimet e duhura/ Zyrtarisht do të garojnë për president të shtetit

Read Time:1 Minute, 28 Second

Tani më është e sigurt se dy kandidatët shqiptarë ai i BDI-së Bujar Osmani dhe kandidati i bllokut opozitar VLEN, Arben Taravari hyjnë në garën për president. Ata kanë arritur të mbledhin 10 mijë nënshkrimet e nevojshme.

“BDI është e kënaqur dhe mirënjhoës për jehonën masive të qytetarëve në mbështetjen masive të kandidaturës së doktor Bujar Osmanit për president të vendit tonë. Nga dje zyrtarisht Bujar Osmani është kandidati i parë dhe I vetmi për zgjedhjet e 24 prillit”- deklaroi Arbër Ademi – BDI.

Osmani dhe Taravari mbledhin nënshkrimet e duhura/ Zyrtarisht do të garojnë për president të shtetit
Afër mbledhjes së 10.000 nënshkrimeve të nevojshme të qytetarëve është edhe lideri “Znam”, Maksim Dimitrievski me 8.400 nënshkrime të mbledhura.
Sipas të dhënave të fundit zyrtare të KSHZ-së deri dje në mbrëmje për kandidatët tjerë janë mbledhur këto nënshkrime:

“Kandidatja e mbështetur nga partia “E Majta”, Biljana Vankovska-Cvetkovska ka mbledhur 6.237 nënshkrime, ndërsa kandidati i OQM Stevço Jakimovski ka 4.718 nënshkrime. Të gjithë të tjerët në listën prej 11 kandidatësh për kryetar shteti kanë më pak nënshkrime – kandidatja Mersiha Smailoviq e mbështetur nga Lidhja Demokratike Boshnjak ka 696, kandidati Velo Markovski ka 682 nënshkrime, Gjorgi Manaskov – 186, Zorica Cvetkovska – 99, Gospodin Poposki ka 19 nënshkrime. Sipas të dhënave të KSHZ-së, në këto katër ditë nuk është pranuar asnjë nënshkrim për kandidatin Tome Nikoloski.”- deklaroi Komisioni Shtetëror Zgjedhor.

Procedura për mbledhjen e nënshkrimeve ka filluar më 23 shkurt, do të zgjasë çdo ditë pa ndërprerë nga ora 8 deri në 20, ndërsa në ditën e fundit më 8 mars do të punojnë deri në orën 24. Mbledhja e nënshkrimeve zhvillohet në të gjitha zyrat e KSHZ-së të vendosura në selitë e 34 vetëqeverisjeve lokale dhe para noterëve kompetentë.