“Ujqit” e Armatës së RMV-së shënuan 30 vjetorin

March 1, 2024

Read Time:1 Minute, 10 Second

Batalioni i Forcave Speciale pranë Armatës sot në kazermën “Ilinden” shënoi 30 vjetorin e formimit. Batalioni e shënon 1 marsin, si datë përkujtimi, sepse këtë ditë të vitit 1994 është formuar njësia e parë speciale në Armatë, e njohur si “Ujqit”, e cila njëherit është edhe njësia e parë profesionale.

Komandanti i parë i Batalionit, gjeneral nënkoloneli i penionuar, Mirosllav Stojanovski, të cilit iu dorëzua plaketë për kontributin e tij në formimin e Batalionit, u bëri thirrje pjesëtarëve të kësaj njësie t’i ruajnë dhe kultivojnë vlerat e armatës – lojalitetin, respektin, shërbimin e pamohueshsëm, nderin, integritetin dhe guximin.

Stojanovski përkujtoi se ideja për formimin e kësaj njësie të Armatës rrjedh nga tetori i vitit 1993 kur në takim joformal të kreut të atëhershëm ushtarak, kryesisë së shërbimit ushtarak të sigurisë për herë të parë biseduan seriozisht për propozimin e përgatitur paraprakisht që i referohej nevojës për t’u formuar njësia profesionale për dedikime speciale.

Sipas shefit të Shtatmadhorisë së Armatës, gjeneral nënkolonel Vasko Gjurçinovski, qëllimet dhe pritjet për formimin e këtij Batalioni janë realizuar tërësisht.

Ministrja e Mbrojtjes, Sllavjanka Petrovska në fjalimin e saj vlerësoi se në 30 vitet e shkuara Batalioni për forcat speciale është transformuar dhe adaptuar ndaj sfidave bashkëkohore dhe se është njësia e parë e armatës, e cila pas anëtarësimit në NATO, me sukses ka kryer procesin e vlerësimit të gatishmërisë luftarake dhe i ka përmbushur standardet e NATO-s.