Punonjësit e FSSH në Tetovë paralajmërojnë protesta nga 15 maji, nga 1 qershori grevë e përgjithshme
Read Time:1 Minute, 10 Second
Punonjësit e Fondit të Sigurimeve Shëndetësore dolën në protestë paralajmëruese para Fondit të Shëndetësisë.
Kryetari i organizatës sindikale, Branko Agjigov, tha se protesta është një paralajmërim ndaj Bordit Drejtues të fondit, pasi që pika e harmonizimit të pagave me Ligjin për pagë minimale është shtyrë për një kohë të pacaktuar, gjegjësisht pas zgjedhjeve.
Nëse kjo nuk zgjidhet deri më 15 maj, do të kemi protesta paralajmëruese në të gjitha qytetet. E nëse çështja nuk zgjidhet as më 1 qershor, atëherë do të hyjmë në grevë të përgjithshme”, tha Branko Axhigogov, kryetari i Organizatës Sindikale.
Nga FSSH, gjithashtu kërkojnë që gjatë muajit maj të shkarkohet Bordi Drejtues dhe të emërohen anëtarë të rinj, të cilët do të lejojnë rregullimin e pagave të punonjësve, dhe që të mos reduktohen të ardhurat nga 1 qershori.
Kujtojmë që punonjësit e FSSH, dolën në grevë tre muaj më parë, për shkak siç thonë ata nga rekomandimi që morën për ulje të pagave për 21%, por greva u pezullua pas vendimit të qeverisë që pagat do të mbeten me vlerë të njëjtë deri më 31 maj, deri në miratimin e një zgjidhje të përhershme.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating