A do të dërgohet pr/ligji për përfaqësim të drejtë në Komisionin e Venecias? Mexhiti: Pse jo?
Read Time:1 Minute, 1 Second
Zëvendëskryeministri Izet Mexhiti tha se nuk ka asgjë kundër që pr/ligi për përfaqësim të drejtë dhe adekuat të dërgohet në Komisionin e Venecias, përcjell TV21. Mexhiti nuk tregoi se çfarë do të përfshijë ligji, ndërsa tha se duhet të kihet kujdes në kategorinë kushtetuese të përfaqësimit të drejtë.
“Çfarë do të përmbajë ligji për përfaqësim të drejtë? Dhe a do të shkojë në Komisionin e Venecias? Do të thotë ligji…pse jo, mendoj mirë është
që pr/ligji të shkojë, të jetë gjithçka pastër, që në fund të mos dalë si ligjet e tashme që janë gjysmakë dhe për këtë janë problematikë, si Ligji për Gjuhët, Balancuesi, nuk jemi kundër kësaj, ndërsa çfarë do të përmbajë, nuk mund të themi, por mund t’iu them që do të ketë debat publik, ku do të përfshihen në mënyrë inkluzive akademikë nga të gjithë universitetet, profesionistë nga kjo sferë, të gjithë në funksion që të jetë zgjidhje më e mirë, afatgjate dhe zgjidhje që nuk do të mund nesër ose pasnesër të kontestohet nga dikush. Dmth duhet të kemi kujdes në kategorinë kushtetuese përfaqësim i drejtë, por njëkohësisht të mos vijmë ndesh me Kushtetutën dhe nesër pasnesër të na ndodhë kjo situatë”, theksoi Mexhiti.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating