Osmani: Të ndalet revanshizmi politik ndaj të punësuarve, institucionet nuk janë të Lëvizjes Besa dhe të koalicionit VLEN
Read Time:1 Minute, 38 Second
Sekretari i Degës së BDI-së në Tetovë, Blerim Osmani me anë të një konference për media ka reaguar kundër pushtetit aktual në nivel qendror dhe lokal, ai ka shtuar se po bëjnë mobing të paparë ndaj të gjithë punësuarve që kanë bindje ndryshe nga udhëheqësit aktual të Komunës së Tetovës dhe kësaj qeverie pa legjitimitet.
Osmani ka thënë se nënpunësit shtetërorë nuk janë rrobë e as institucionet shtetërorë nuk janë vende për rehatimin e militantëve partiak dhe familjarëve tuaj!
Texti integral nga konferenca e sotme për shtyp:
”Të nderuar qytetarë,
Të nderuar përfaqësues të mediave
Revashizmi politik ndaj nëpunësve shtetërorë po merr përmasa të frikshme. Pushteti aktual, në nivel qendror e lokal, po bën mobing të paparë ndaj të gjithë punësuarve që kanë bindje ndryshe nga udhëheqësit aktual të Komunës së Tetovës dhe kësaj qeverie pa legjitimitet.
I till është rasti me punëtorët e NPK-Tetova-Tetovë, me shkollat fillore dhe të mesme komunale të Tetovës, ku brenda 3 vitesh janë ndërruar dhjetëra drejtorë, si dhe degradimet në pozita që u bëhen nënpunësve shtetërorë në përditshmëri.
Kjo dukuri nuk është e theksuar vetëm në në Tetovë, por që nga themelimi i kësaj qeverie ka marr përmasa nacionale, ku janë shkarkuar qindëra shqiptarë dhe në vend të tyre janë emëruar kuadro maqedonas. Këtë do e kenë edhe më të lehtë tani pasi që e shfuqizuan edhe balancuesin, që erdhi dhe u mbrojt me shumë mund nga BDI-ja për më shumë se dy dekada, si mekanizëm i vetëm për përfaqësim adekuat të shqiptarëve në Institucionet ku më herët nuk pa pasur as edhe një të punësuar shqiptar!
Të punësuarit në institucionet, në vend se të përballen me presione dhe largime nga puna, meritojnë që të trajtohen në mënyrë të dinjitetshme.
Nënpunësit shtetërorë nuk janë rrobë! Institucionet shtetërorë nuk janë vende për rehatimin e militantëve partiak dhe familjarëve tuaj!
Institucionet shtetërorë duhet të mbesin në shërbim të qytetarëve e jo në shërbim të Lëvizjes Besa dhe koalicionit VLEN!
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating